Husets innhold

 

• Stor konsert- og teatersal i amfi med 396 plassar 
• Kinosal (THX-sal) i amfi med 144 plassar
• Stor foaje med kafè Olsen med inntil 300 sitteplassar 
• Miljøbad med 3 basseng og stupeanlegg
• Solarium og sauna
• Idrettshall med klatrevegg.
• Treningssenter
• Kunst- og utstillingsgalleri
• Møteromsfasilitetar

Gullbring kulturanlegg

• Gullbring kulturanlegg ligg i Bø, er eit regionalt kulturhus for Midt-Telemark og stod ferdig sommaren 1994. Framstugo, som er huset sin foajè, er høg, lys og open, og ønskjer alle varmt vel møtt! Huset er eit kombinert kultur- og idrettsanlegg, ligg ca. 300 m frå Bø stasjon som er knutepunkt for Sørlandsbanen og ekspressbussane. Nærmaste nabo er Bø hotell.
• Gullbring har ulike kulturfaglege miljø som leigetakarar inklusive også Høgskolen i Telemark.
• Gullbring kulturanlegg AS eig og driv huset, og Bø kommune er hovudaksjonær. Samla totalareal er på vel 8.000 kvm, og bygget går over to, delvis tre etasjar. Bygget er oppført i tre og betong, delvis forblenda med teglstein, og har straum som oppvarmingskilde samt solvarmeanlegg for oppvarming av bassengvatn.
• Storsalen har TOA 3800 w lydanlegg, teleslynge, 3 fas: 400 V: 80 + 63A. 220 V: 63 A/ 35 A. Tilsvarande i idrettshall.
• Kinosalen er spesialbygd for filmframsyning, og er THX-sertifisert av Lucasfilm.
• Breidbandtilkobla trådløst datanettverk.
• Det er montert spinkleranlegg som dekker alle store rom.
• Huset har 6 separate ventilasjonsaggregat med gjenvinning, samt varmepumpe/varmevekslar med gjenvinning av gråvatn.
• Uteområdet er opparbeid som parkanlegg, og her er friluftsamfi samt kort avstand til stadionanlegg ved Høgskolen og Bø sentrum.

Storsalen

Storsalen er spesialbygd som teater- og konsertsal, men er også tilrettelagt for kinobruk med dolbylyd. Salen har 396 plassar i amfi, har finske stolar i bjørk med norsk Budal ullstoff, og har skriveplate i stolvangen.Inngang på repo midt i salen, der også styringsplass for lyd og lys er plassert. Salen er ypperleg til kurs- og konferansebruk, og kan også riggast med inntil 50 ekstra plassar i framkant. Akustikken i salen er namngjeten, og med topp scenegarderobar, er artistar, kunstnarar og arrangørar veldig nøgde med dei fasilitetane vi byr dei. Sceneopning: 12 meter, scenedybde 9 meter. 

Kinosalen - den komplette filmoppleving

Salen vart THX–sertifisert etter Lucasfilm si sertifiseringsnorm for lydanlegg i kinolokaler som sal nr. 3 i Noreg i 1994, og har vore ein kjempesuksess for Bø kino som er kommunal og leigetakar. Alle Dolby sine digitale lydsystem er på plass, samt DTS, og med Ernemann 15 B kinomaskiner er bildet krystallklart i alle fire bildeformat. Maskina har såkalla treblada blendar, som gjev ein bildefrekvens på 72 hz mot normalt 48 hz. Stolane i salen er norske levera av Skeie, utstyrt med høg rygg og skriveplate i stolvangen. 144 sitteplassar.

Galleri Stadskleiv

På 150 kvm med 3,5 m takhøgde, med tregolv og straumskinner for spotlight. Galleriet er oppkalla etter Torleiv Stadskleiv (1865 – 1946), Bø sin mest kjente kunstnar. Kunstforeninga i Bø har faste utstillingar her og Sommarutstillinga i Bø blir kvart år avvikla parallelt med Telemarkfestivalen først i august. 


Gullbringbadet

Gullbringbadet er eit miljøbad med 3 ulike basseng.

• Stort 25 meter konkurranse-svømmebasseng med 6 banar og vasstemperatur på 27 grader. I den djupe enden av bassenget er det stupeanlegg med 1 og 3 m sviktbrett og 3 og 5 m stupetårn.
• Plaskebasseng for barn går frå 0 – 60 cm og er ca. 30 grader varmt.
• Terapibassenget som har fått namnet Heitehølen går frå 90 cm til 1,6 m, og har ein vasstemperatur på 34 grader.
• Heile badet er tilrettelagt for rullestolbrukarar.
• Svømmehallen har kiosksalg frå kafè Olsen, og i tilknyting til badet finn du også boblebenk, sauna og solarium.
  

Gullbringhallen

Fleirbrukshall på 24 x 47 meter som kan delast i tre med lydskillevegg og nettskillevegg. Golvet har dansk bøkeparkett (flateelastisk), og utanom 1 handballbane, kan hallen delast i t.d. 3 volley-/basketballbanar eller 9 badmintonbanar. Den har 3 garderobesett med 2 garderobar i kvar, på tribunen er plass til 600 personar. Hallen kan også brukast til konsertar og messer. Som utsmykking og eit eige idrettsanlegg i hallen finn du ein klatrevegg på 7,2 m breidde og 8,9 m høgde.

Gullbring – for kropp og sjel!

Fleire lokale kjende kunstnarar har bidratt til den rike utsmykkinga av Gullbring, og i tillegg har Kunstforeninga i Bø, Bø kommune og Bø Sparebank gjeve gåver og plassert samlingar i bygget. Ei vandring i bygget kan by på varierte kunstopplevingar, og møteplassen Gullbring har da også som sitt slagord:

Gullbring - for kropp og sjel!

Fotografer: Moeland Fotosenter, Kjetil K. Momrak, Øystein Akselberg